ابڙو اڪيڊمي Abro Academy
2020-07-23
داخلا نمبر 653
عنوان ڊگوش ڪوڪڙالي
شاخ پکي
پڙهيو ويو 322
داخلا جو حوالو:
ڊگوش ڪوڪڙالي
ڊگوش ڪوڪڙالي
37 سينٽي ميٽر جسامت واري هن بدڪ ۾ نر ماد جو رنگ مختلف ٿئي ٿو. نَر جو رنگ ميرانجهڙو سرمائي هوندو آهي جنهن جي سسي ڪارسري ناسي، ڳچي اڇي ۽ ڪنڌ کان مٿي تائين هڪ سفيد اُڀي ليڪ ٿئي ٿي. ماديءَ جو رنگ ميرو سرمائي ناسي ٿئي ٿو. ان جو پُڇ ڊگهو ۽ نوڪدار ھوندو آھي، جنهن ڪري اهو ڊِگوش ۽ Pintail سڏجي ٿو. اهو پُڇ اڏامندڙ توڙي ويٺل حالت ۾ چٽو نظر ايندو آهي. اڪثر رات جو غذا کائيندو آهي. پنڌ جو سٺو آهي. ڪڏهن ڪڏهن ڳچي سڌي ڪري ۽ اڏامندي پَرن سان خاص سوسڪار ڪندو آهي. ماديءَ جو رنگ پٿريلو ناسي ٿئي ٿو. ھي ماحول : 7 جو پکي آھي.